P200 mil giandam alang sa Monterrazas bikefest
CEBU, Philippines- Dul-an sa P200,000 nga ganting salapi ang giandam sa Genvi Development Corporation alang sa top performers sa 1st Monterrazas de Cebu Road and Mountainbike Challenge.
Ang duha ka adlaw nga kompetisyon sugdan sa 4.5km mountainbike race sa Oktubre 11. Sa petsa 12 gitagana alang sa 5.2km road bike challenge. Ang duha ka lumba magsugod ug matapos sa second highest elevation sa Monterrazas.
“When the idea of holding this event was brought to me, without any second thought, without batting an eyelash, I said yes because we will also do our share for the health and wellness of our brothers in our community,” matud pa ni lawyer Dindo Perez, ang presidente sa Genvi nga maoy developer sa Monterrazas atol sa press conference kagahapon didto sa Laguna Garden Cafe.
“This will be our annual activity as part of our contribution to Cebu sports,” sumala pa ni Genvi Sales and Marketing Officer Engr. Zeny Quibranza.
Ang lumba nga sanctioned sa Unified Cycling of Central Philippines-Cebu Chapter adunay walo ka kategoriya -- open elite, seniors (50-above), juniors, executive (PRC license holders), fat riders, golden riders (60-above), women’s ug beginners.
Si race director Joe Deresas mipahibalo nga sa pagka karon, adunay 20 ka pedal-pushers gikan sa mga siyudad sa Tanjay ug Dumaguete sa Negros Oriental ingon man sa Cadiz City sa Negros Occidental ang nikompirmar sa ilang partisipasyon.
Naglaum sab si Deresas nga mosalmot ang elite racers lukop nasud lakip na ang mga sakop sa Philippine Team pangulohan sa mga Sugbuanon nga silang John Rene Mier, Niño Surban ug Marites Bitbit.
Alang sa dugang mga pakisayod, mahimong mokontak ni Joe Deresas 0917-7309986, 0921-5133272 or 266-7875. (BANAT NEWS)
- Latest
