Yaw-Yan magsaulog sa ilang anniversary ug victory party
CEBU, Philippines - Dakung kasaulogan ang idalit sa Yaw-Yan ArDigma Martial Arts Federation Inc. karong gabii tungod kay usahon nila pagselebrar ang ilang ika-42 founding anniversary ug victory party didto sa ilang headquarters sa dalan Sanciangko, ning siyudad.
Santos nga Misa maoy mosugod sa selebrasyon sa alas-6 sa gabii.
Human sa malampuson nilang hosting sa labing unang Mixed Martial Arts tournament sa Sugbo, ang tibuok Yaw-Yan ArDigma organization ubos sa liderato ni Yaw-Yan Cebu ArDigma CEO Master Benigno ‘Ekin’ R. Caniga Jr. mopasidungog usab sa siyam nila ka fighters nga midaog sa Cebu Extreme Fight League niadtong miaging Sabado didto sa Cebu Coliseum.
Pangulohan kini ni Lando ‘Alamid’ Nacua, kinsa mipilde ni French striker Paul Carrere sa main event. Lain pang Yaw-Yan fighters nga midaog mao sila si Roy Bajar, Rexan Colong, Ranran Lugo, Earl Surigao, Jedial Alvarez, Joed Bulotano, female fighter Angel Sanchez ug ang 10-anyos nga si Ken Caniga.
Lakip sa highlights sa maong kasaulogan mao ang tradisyonal nga baptismal rites.
- Latest
