Donayre laraw modaog sa iyang ONE FC debut
CEBU, Philippines- Daog maoy bugtong tuyo ni Dubai-based Cebuano mixed martial arts artist Vaugh ‘The Spawn’ Donayre sa labing una niyang away sa ONE Fighting Championship batok ni undefeated Mohammaed Walid sa Agosto 29 didto sa Dubai World Trade Center.
“I am going to hunt for a knockout against Walid,” matud pa ni Donayre, ang unang Sugbuanon nga mopakita’g aksiyon sa ONE FC, ang labing daku nga MMA organization sa Asya. “My opponent is a well-rounded fighter who is a welterweight champion in Dubai FC, but I am ready for everything he has. I trust my training here at the Champion Club Gym.”
Si Donayre nga adunay 7-1 win-loss record, mibaid sa iyang talento sa MMA sa Yaw-Yan ArDigma Cebu ug DEFTAC Cebu.
Nagtuo si Donayre nga kun modaog batok ni Walid mahimo siyang usa sa mga Filipino title contenders sa ONE FC.
Gawas ni Donayre, laing duha ka Pinoy MMA fighters ang mopakita sab og aksiyon sa Dubai card. Si kanhi world boxing champion Ana ‘Hurricane’ Julaton mohimo sa iyang ikaduhang MMA fight batok ni Ann Osman sa Malaysia, samtang ang taga-Baguio nga si Geje ‘Gravity’ Eustaquio sa Team Lakay naglaraw sa flyweight championship batok ni Brazilian Andriano Morales. (BANAT NEWS)
- Latest
