Pacquiao nahadlok – Khan
CEBU, Philippines- Kalit lang gibanatan og ngil-ad nga pamahayag ni British boxer Amir Khan ang kanhi niya sparmate nga si WBO welterweight champion Manny Pacquiao kinsa iyang gihulagway nga nahadlok kaniya.
Si Khan nagkanayon nga rasun og nganung dili makigsangka kaniya si Pacquiao mao nga nahadlok ang Filipino boxing star sa iyang abilidad.
“Maybe that scares him, I don't know,” matud pa ni Khan sa usa ka mantalaan didto sa United Kingdom.
Si Khan usa lang sa mga boksidor nga wala kauyon human gi-anunsiyo nga ang di kaayo iladong si Chris Algieri ang sangkaon ni Pacquiao sa Nobiyembre 23 didto sa Macau.
“Well he's not a nobody. You’ve got to respect him but he's not a big name, and if Manny Pacquiao wanted to make big money in boxing, he needs to fight big names,” dugang pa ni Khan.
Si Khan dugay nang namugos nga makigsangka ni Pacquiao alang sa WBO welterweight title ug gawas ni Pacquiao, interesado usab kaayo siya nga makigharung ni Floyd Mayweather Jr. (LPM gikan sa ABS-CBN News) (BANAT NEWS)
- Latest
