19TH JRG Gullas Tennis Cup plansado na

CEBU, Philippines - Andam na ang tanan alang sa ika-19 edisyon sa JRG  Gullas Tennis Cup nga gikatakda sa Agosto 21- 24 sa  Alta Vista Golf and Country Club tennis courts sa Brgy.Pardo ug sa Citigreen Tennis Resort sa Brgy. Mambaling, ning siyudad.

Ang torneyo  giisip nga labing karaan ug labing malampusong junior tennis tournament sa Visayas ug Mindanao.

Ang JRG mao ang inisyal ni Jose ‘Dodong’ R. Gullas nga maoy amahan sa maong torneyo.

“It’s  only right and fitting that the Gullas Cup, one of the most-recognized events in Philippine tennis calendar, will bear his name because it is really Sir Dodong who started it all. Without him, this tournament could not have existed,” matud pa ni sportsman ug former SAC president John Z. Pages atol sa press conference kagahapon didto sa University of the Visayas Foreign Lounge.

“Also, it’s the third longest-existing junior tennis event in the country (after the Mitsubishi International Junior tennis Circuit and the Andrada Cup) and it’s something that we can be very proud of.”

Gawas sa bag-ong pangan sa torneyo, laing bag-o sa Gullas Cup mao ang pagpahigayon niini sa buwan sa Agosto lahi sa naandan nga panahon sa summer. Mogamit na sab sila og duha ka indoor tennis venue lahi kaniadto nga outdoor.

Sa iyang bahin, si tournament director Fritz Tabura nagkanayon nga mga out-of-town players gikan sa Manila ,Cagayan de Oro, General Santos, Tangub City, Dumaguete, Iloilo, Bacolod, Ozamiz, Biliran, Leyte ug Tacloban ang mipadayag na sa ilang interes nga mosalmot.

Ang unisex 10-under, 12, 14, 16 and 18-under, girls singles, 10-under doubles, 14 doubles ug 18-under doubles maoy banatan sa upat ka adlaw nga torneyo.

Aduna kini registration fee nga P300 libre na ang event t-shirt. Alang sa dugang mga pangutana, mahimong mokontak ni Em-Em Siso sa numero 0923-9609117 o ni Jun Tabura sa numero 0927-8788686 o 0922-7138390. (FREEMAN)