USC, UV nagsawo sa liderato, 2-0

CEBU, Philippines - Aduna nay duha ka daog ang University of San Carlos (USC) Baby Warriors human nila gilubong ang University of Cebu (UC) Junior Webmasters, 61-49 sa nagpadayong aksiyon sa 14th Cebu Schools Athletic Foundation, Inc. (CESAFI) kagahapon diha sa Cebu Coliseum.

Sa sayo pa, ang University of the Visayas (UV) Baby Lancers miihaw sab sa University of San Jose-Recoletos (USJ-R) Baby Jaguars, 77-64, samtang gipanitan sa  Cebu Eastern College (CEC) Dragons ang Don Bosco Technology Center (DBTC) Junior Greywolves sa iskor nga 77-44.

Ang UV ug USC nagtabla karon sa liderato sa managsamang 2-0 win-loss records.

  Si Jean Jacque Antigua maoy nangu sa Baby Warriors sa iyang 20 puntos, samtang si  Marc Ting miamot og 16 puntos. Ang 1-1 nga Junior Webmasters gipangulohan nilang Darren Shane Menina ug Arvin Dungog sa ilang 19 ug 10  puntos, matag usa.

Wala makahuygo alang  sa Junior Webmasters ang ilang shooter nga si Richestel Isla, kinsa  miiskor la’g dos puntos.

Sa laing bahin, ang Greywolves gipangulohan ni Jules Grant Asignar sa iyang 22 puntos, apan baliwala kadto tungod kay siya sab ang labing daghan og turnovers sa maong duwa  nga  adunay walo.

  Si  John  Carl  Escalona sa iyang bahin, mihimo’g 15 puntos uban sa iyang 10 ka rebounds, pito ka steals ug upat ka assists, apan si Theo Joshua Flores maoy topscorer pinaagi sa 25 puntos uban ang unom ka rebounds.

Ang Baby Jaguars nga kanunay’ng biya sa kinatibuk-ang duwa, misikit unta  ngadto sa usa na lang ka lugas, 47-48 pagsugod sa fourth period, apan misukli og 11-1 run ang Baby Lancers aron moiskor sa ikaduha nilang daog.

Ang Baby Jaguar nga si Austin Rome Mutya na-ejected sa duwa human siya tawagi og unsportsmanlike foul sa nahibiling 4:26 minutos. Niadtong higayona biya sila og 11 puntos, 51-62. (BANAT NEWS)

PUNTOS MATAG USA

UV (77) – Flores 25, Escalona 15, Wamar 11, Cabahug 9, Schaub 8, Alforque 4, Oche 2, Loreto 2, Verano 1.

USJ-R (64) –  Lapinid 18, Divinagracia 17, Rubas 10, King 7, Mutya 7, Belano 2, Gonato 2, Murio 1.

USC (61) – Antgiua 20, Ting 16, Maravilla 8, Malazarte 7, Bande 6, Chavez 2, Laurente 2.

UC (49) – Menina 19, Dungog 10, Quiamco 5, Anejo 2, Isla 2, Canonigo 2, Molina 2, Hemida 2, Daligdig 2, Carpio 2, Gabisan 1.