Cebu Open Dancesport Competition sa Waterfront
CEBU, Philippines - Dul-an sa 500 ka atleta lukop nasud ug laing langyaw’ng mga entrante ang mosadsad sa Cebu Open Dancesport Championship 2014 ug 7th Dancesport Sa Sugbu nga mosikad karong adlawa diha sa Waterfront Cebu City Hotel and Casino.
Mga nasud nga nikompirmar sa ilang partisipasyon mao ang Japan, Brunei, Singapore ug Malaysia.
Sukdon nila ang mga talento gikan sa Metro Manila, Intramuros, Baguio, Olongapo, Angeles, Quezon, Cavite ug Lucena. Ang Mindanao girepresentahan sa Iligan, Malaybalay, Kidapawan, Koronadal, Oroquieta, Davao, Panabo, General Santos, Cagayan de Oro, Tagum, Cotabato, Zamboanga, Tangub ug Pagadian.
Ang Visayas region pangulohan sa Cebu, Dumaguete, Bacolod, Iloilo ug Eastern Samar.
Ang kalihukan nga adunay 24 ka kategoriya sugdan sa alas-8 sa buntag.
Ang usa ka adlaw nga kompetisyon nga gipasiugdahan sa Dancesport Team Cebu City (DTCC) isip culminating activity alang sa gatosan ka child trainees, kasagaran niini underprivileged gikan sa ilang grassroots development program.
- Latest
