JC obligado molugwa karon sa CCTN 47
CEBU, Philippines - Ang kinabuhi ni champion rider JC Ornopia Obligado maoy molugwa sa ikaduhang episode sa MX-R LS (Motorcross Rider Life Story), ang bag-ong segment sa MS Motosuit Motocross TV series nga makita pinaagi sa CCTN 47 karong adlawa gikan sa alas-10 hangtod sa alas-10:30 sa buntag.
Makita kini pag-usab ugma gikan sa alas-10:30 hangtod sa alas-11 sa gabii.
Si Obligado naila isip usa sa elite racers sa Sugbu human maghari sa local enduro category duha na ka tuig ang milabay. Makita sab sa maong senemanang TV special ang mga kadaugan ni Obligado sa mga nagkalain-laing kompetisyon nga iyang gisalmotan.
Matud pa ni MS Motosuit big boss Lou Ornopia nga ilang namugna ang bag-ong segment uban ang paglaum nga daghang mga Sugbuanon ang modayeg sa kaanindot sa motocross.
Gawas ni Obligado, ipasalida sab ang labing bag-ong lumba sa MS Motosuit nga didto gipahigayon sa Dinagat Island sa Surigao del Norte.
- Latest
