USPF milubong sa CEC

CEBU, Philippines - Nahimong usa ka ‘mismatch’ ang duwa sa University of Southern Philippines Foundation (USPF) Baby Panthers  dihang  ilang gilubong ang  Cebu Eastern College (CEC) Dragons sa secondary basketball event sa 14th  Cebu Schools Athletic Foundation Inc. (CESAFI) kagabii diha sa Cebu Coliseum.

Niining pagsuwat, nagsiniakay pa sa ilang  1-0 nga baraha ang Southwestern University (SWU) Cobras ug Cebu Institute of Technology-University (CIT-U) Wildcats  alang sa solong liderato. Lupig hinuon kaayo sa tapad ang Wildcats batok sa Cobras nga gibitoonan og duha ka imports -- Landry Sanjo ug Bendley Valdor.

Dili pa unta kaayo layo ang biya sa Dragons atol sa first half, 28-39, apan wala  sila makasustenir sa kinatibuk-ang second half ilabi na kay first quarter pa lang napiangan na sa iyang siko ang ilang star player nga si Richmond Bulibuli.

Labing daku nga labaw sa Baby Panthers miabot og 30 puntos, 71-41 pagsugod sa fourth period human sa lay-up ni Carl Carbajosa, kinsa mihimo’g 15 puntos aron pangulohan ang Baby Panthers. (BANAT NEWS)