Carrere misaad og daog VS. NACUA

CEBU, Philippines -   Misaad og  “knockout” nga

kadaugan si undefeated French striker Paul ‘French’

Carrere sa iyang sangka batok ni Cebuano ground and pound

specialist Landon ‘Alamid’ Nacua sa main event sa Cebu

Extreme Fight League: “The Beginning” sa Agosto 16 diha

sa Cebu Coliseum.

    Ang 23-anyos nga si Carrere sa Unified

MMA tinguha mosakmit sa ikatulo niyang sunod-sunod nga daog,

apan dili kini sayon tungod kay sangkaon niya ang brawler

nga si Nacua sa Yaw-Yan ArDigma Cebu.

    Sa supporting main event, ang Brazilian

Jiu-Jitsu specialist nga si Roy ‘Agilon’ Bajar

makigharong ni Niño  ‘Tatus’ Saoy sa Tatus

Muay-Thai and MMA.

    Moaway usab ang amateur

veteran   Johnjier ‘Excalibur’ Torbiso sa

Durex Dragon Kickboxing Club batok ni Ervin ‘Immortal’

Musico sa Deftac Dumaguete.

    Lain pang magsangka sa maong MMA fight

card nga gipasiugdahan sa Yaw-Yan ArDigma Martial Arts Inc.

sa abag sa SkyCable, Nissan, IPI ug HASI fight wear naglakip

nila ni Ranran Lugo sa Yaw-Yan Simaron MMA vs. Etan Badayos,

John Dulap sa Project X MMA vs. Tonilee ‘Black Bull’

Castro ug David ‘Venum’ Po sa SOMA Kickboxing vs.

Roel Arcipesa Warrior MMA.

    Sa women’s division si Angel Sanchez sa

Yaw-Yan MMA mosukod sa abilidad ni Bridgette Torbiso sa

Durex MMA, samtang sila si Ken Caniga ug Dexter Sanchez

magsangka ubos sa kid’s division.

    Ang mga tiket nagkantidad og P300 sa VIP,

P200 sa ringside, P150 sa lower box ug P100 sa upper box. Sa

dugang mga pangutana ug ticket reservations, mahimong

motawag sa numero 09324524999 o bisita sa

yawyanardigma.com. (BANAT NEWS)