Ginukdanay sa Alaska Ironkids
CEBU, Philippines - Magginukdanay na ang triathlon pros ug mga sumusulbong ug ilang tagsa-tagsa ka pamilya sa makalingaw nga Alaska Ironkids “Run Out” karong adlawa didto sa Shangri-La’s Mactan Resort and Spa sa dakbayan sa Lapu-Lapu.
Ang pros nga mangu sa practice run mao sila Pete Jacobs, Caroline Steffen ug coach Matt O’Halloran sa Alaska Tri-Aspire Team.
Modagan sab ang Filipino elites nga silang Banjo Norte, Jenny Guerrero, Jonard Saim, Noemi Galleos, JC Abad ug Christine Hipol.
Ang mga partisipante sa dagan mohimo’g stop-over sa Mactan Elementary School diin kapin sa 1,500 ka mga bata ang moapil sa “Alaska Ironkids supports Gatas for Breakfast’ campaign.
Ang matag partisipante moinom og usa ka basong Alaska Milk ug ingon man makaapil sa makalingaw nga mga kalihukan. Ang kampanya naumol niadtong Hunyo 1 atol sa Alaska World Milk Day. (BANAT NEWS)
- Latest
