Talisay City Marathon sa Agosto 17
CEBU, Philippines- Dul-an sa P67,000 nga ganting salapi ang gitagana alang sa mga top performers sa Talisay City Marathon nga gitakda sa Agosto 17 nga magsugod ug matapos sa Talisay City Hall sa barangay Lawaan.
Gawas sa 42K marathon, ang event nga usa sa mga highlights sa ika-366 nga founding anniversary sa Talisay naglakip usab sa 21K ug 5K categories.
Ang kampiyon sa men’s ug women’s 42K makaangkon og P8,000 matag usa, samtang ang mananaog sa 21K mobulsa og P4,000 matag-usa.
Ang top finishers sa 5K open makadawat og P1,000.
Nabantog isip home of Cebu’s best lechon, ang organizers misaad nga ang tanan runners makatilaw sa lamiang lechon sa Talisay inig human sa lumba.
Gawas pa niini, ang tanang finishers sa 42K makadawat sab og finisher’s shirt ug specially-designed finisher’s medal.
Ang registration fee nagkantidad og P1,200 sa 42K, P600 sa 21K ug P350 sa 5K libre na ang singlet ug snacks.
Nagsugod na ang registration didto sa Mall sa Talisay, Runnr sa Ayala Center-Cebu ug Kai Stickers sa Villagracia building atbang sa Cortes Hospital sa dakbayan sa Mandaue.
Mahimo usab nga magparehistro online pinaagi sa http://store.aktib.ph. (BANAT NEWS)
- Latest
