Viloria miiskor og KO batok Mexican pug
CEBU, Philippines - Miiskor og usa ka fifth round knockout ang kanhi Fil-American world champion nga si Brian Viloria niadtong Sabado sa gabii batok ni Mexican Jose Zuniga didto sa Macau.
Ang maong kadaugan mipamatuod nga andam na si Viloria nga buhion iyang kahigayunan nga subling moaway alang sa world title diin tuyo niya nga makabawos sa Mexican nga si Juan Francisco Estrada nga miilog sa iyang WBO ug WBA flyweight title.
Mipakita og kalig-on si Zuniga, apan bangis nga kombinasyon ang gibuhian ni Viloria batok sa Mexican kinsa mipalup-og niini sa 1:42 sa fifth round.
Sa maong card, ang Cuban superstar nga si Guillermo Rigondeaux midepensa sa iyang WBO ug WBA super bantamweight title pinaagi sa 1st round KO batok ni Thai Sod Looknongyantoy. Midaog usab sa main-event ang Chinese star nga si Zhou Shiming batok ni Luis Dela Rosa. (BANAT PALARO)
- Latest
