UC table Tennis Players milangkat sa korona sa 8th eastern cup
CEBU, Philippines - Gipilde sa University of Cebu (UC) Webmasters ang kampiyon sa UAAP ug NCAA aron malangkat ang collegiate title sa 8th Eastern Cup National Table Tennis Tournament sas miaging weekend didto sa Philippine Buddhacare Academy sa Quezon City.
Ang UC nga mao lang ang bugtong team gawas sa Manila nga gipaduwa sa torneyo, gilangkuban nilang Dannel Jay Tormis, Francis Benderel, Val Stephen Jaca ug Lemuel Agbon.
Ang UC nga nag-una sa ilang bracket sa elimination round mimakmak sa San Beda College (SBC), ang defending Eastern Cup champion ug reigning NCAA titlist, 3-0 aron makakuha og pasaporte sa semifinals batok sa Far Eastern University (FEU).
Sa semis, ang UC mipulbos sab sa FEU, 3-0 aron makaangkon og luna alang sa championship showdown uban sa UAAP title-holder De La Salle University (DLSU).
Ang World University Games-bound nga sila si Val Stephen Jaca mipahilom ni Cristobal, 3-0 sa finals, samtang si Dannel Jay Tormis miiskor sab og 3-0 nga kadaugan batok ni Jethro Yatco.
- Latest
