TBA-Power Forty elimination round natapos na
CEBU, Philippines - Samtang gitapos sa Power Forty ang elimination round sa ilang 8-0 nga kartada, gidagit sa Perez Trucking ang ikaduhang pwesto dihang ilang gilubong ang AC Sports, 95-73 nga didto sa barangay Inayagan, Naga City, Cebu.
Wala makapatulo og singot ang Power Forty ni Atty. Flor Yosores tungod kay wala mopatim-aw ang Bulacao Classic kinsa walay daog bisan usa alang sa 0-8 nga baraha.
Si Danny Lim maoy nangu sa Perez Trucking sa iyang 16 puntos samtang may 15 ug 14 puntos matag usa silang Teddy Ebrado ug Edwin Dejacto. Gitapos sa Perez Trucking ang elimination sa ilang 6-2 win-loss record.
Si Dodong Rosaroso miposa og 22 puntos aron pangulohan ang AC Sports kinsa maoy nakakuha sa ikalimang pwesto sa ilang 4-4 record.
Sa laing duwa, midaug ang Lucky 40 gikan sa barangay Guadalupe batok sa TBA sa iskor, 92-83 diin si Jun Fernando maoy nangu sa iyang 19 puntos. Ang Lucky 40 maoy third placer sa ilang 6-2 nga baraha apan napilde sila sa Perez Trucking.
Ang TBA nga natagak sa ilang 1-7 nga record, gipangulohan ni Rudy Abapo sa iyang 28 puntos.
Sa kataposang duwa, gibihag sa Punta Princesa ang host Inayagan sa iskor, 94-79. Ang Punta Princesa kinsa adunay 4-4 nga baraha, gipangulohan nilang yokyok Alesna ug Serge Cortes sa ilang 24 ug 23 puntos matag usa.
Si Tony Austria maoy nangu sa Inayagan human siya mopusa og 17 puntos.
Puntos matag usa:
First Game:
Perez Trucking (95)— Lim 16, Ebrado 15, Dejacto 14, Campos 13, Rosito 10, Pesquera 6, Moniva 6, Perez 5, Almojallas 4, Abasolo 4.
AC Sports (73)— Rosaroso 22, Elizalde 14, Postrero 11, Caburnay 10, Ancot 9, Gabutero 5, Ong 2.
Second Game:
Power Forty daog sa forfeiture batok sa Bulacao
Third Game:
Lucky 40 (92)— Fernando 19, Biboy 16, Cabanilla 14, Posadas 13, Aulga 12, Cuyos 10, Sollano 6.
TBA (83)— Abapo 28, Sanoy 16, Yosores 14, Canizares 12, Roales 8.
Fourth Game:
Punta Princesa (94)— Alesna 24, Cortes 23, Belande 18, Reyes 10, Arias 9, Taboada 6, Basana 4.
Inayagan (79)— Austria 17, Rabaya 15, Villareal 14, Lalican 9, Repuesto 8, Canoy 7, Encarnado 6, Canedo 3. (BANAT PALARO)
- Latest
