Brazil giusban og paka-uwaw

CEBU, Philippines - Gitiwasan sa The Netherlands ang pagpaka-uwaw sa 2014 World Cup host Brazil pinaagi sa pag-iskor og 3-0 nga kadaugan kagahapon alang sa ikatulong pwesto.

Ang kapildehan sa Brazil batok sa Germany, 1-7 sa semifinals maoy unang hitabo sa kasaysayan diin ang nasud nga may labing daghang titulo sa World  Cup (Brazil) kung itandi sa laing mga nasud, napilde og duha ka sagunson nga duwa nga niadto pang 1974 kataposang nahitabo.

Nagtan-aw lang didto sa ilang bench ang napiang nga Brazilian star nga si Neymar, unang naka-score ang Netherlands pinaagi sa penalty kick ni Robin van Persie sa sayong bahin sa duwa, 1-0.

Dihang molusot na unta sa depensa si Arien Robben sa Netherlands, gibitad siya sa abaga ni Brazil team captain Thiago Silva kinsa nasuspenso atol sa semifinal. May swerte pa si Silva nga igo lang siyang gihatagan og yellow card sa maong foul.

Ang ikaduhang naka-iskor alang sa Netherlands mao si Daley Blind alang sa 2-0 sa ika-16 nga minuto sa duwa.

Didto sa second half, laing Brazilian nga si Oscar gihatagan sab og yellow card dihang iyang gisawman ang iyang gidepensaan. (BANAT PALARO)