Chowking gisubha'g daog

CEBU, Philippines - Mihimo'g dakung rally ang Chowking White Warriors sa fourth quarter nga maoy tinubdan sa ilang kadaugan sa opening game sa As-Es BAR 2nd Conference basketball tournament "Fiesta Cup 2014" niadtong Huwebes diha sa Benjamin Solon Memorial gym sa  Cogon-Ramos, ning siyudad.

Ang Chowking milubong sa JDU Seafood Product Bolts, 86-74 ubos sa pagpangulo ni Lahug  barangay councilor Andrew Biton, kinsa mipatuasik og 27 puntos. Nakakuha sab siya og maayong suporta gikan ni Art Arellano nga mitusak og 16 puntos, lakip na ang iyang tulo ka sunod-sunod nga jumper nga maoy naglansang sa kadaugan.

Sa ilang bahin, ang JDU Seafood Product gipangulohan sab ni Randyll Roncal pinaagi sa iyang 22 puntos, gisundan nilang Gerald Ylaya ug Barny Manzano nga adunay 14 ug 10 puntos matag usa. (BANAT NEWS)

PUNTOS MATAG USA

CHOWKING (86) – Biton 27, Arellano 16, Dela Calzada 8, Antido 7, Bontuyan 6, Cabantog 6, J. Abella 4, Regidor 4, Borres 2, Abella 2, Sarda 2, Tamboliro 2.

JDU (74) – Roncal 22, Ylaya 14, Manzano 10, Villarba 6, Dan-dan 6, Capoy 6, Du 3, Raboy 3, Piñas 2,  Palamare 1.