1st Quirina Tabañag Cup gitakda

CEBU, Philippines - Ang barangay Tomonoy sa lungsod sa Moalboal mopahigayon og basketball tournament nga pagaulohan og "1st Lola Quirina 'Ling-Ling' Cabaron Tabañag Cup. Ang torneyo buksan karong Sabado didto sa Tomonoy basketball court, Moalboal, Cebu.

Gipasiugdahan kini ni Hon. Albertsam 'Dodong' Tabañag, ang tsirman sa committee on sports sa abag ni Rodney 'Jet' Tabañag isip tournament commissioner. Suportado sab kini sa tanang mga anak ug mga apo ni Quirina.

Ang usa ka bulan nga torneyo gipaluyohan sab sa maabtikon ug matinabangon nga barangay kapitan sa Tomonoy nga si

Marvin Dio ug sa iyang mga konsehales, ilabi na ni Yulo Jakosalem nga maoy over-all in-charge sa  maong torneyo.

Ganting salapi ug tropeyo ang madawat sa mga mananaog. Ang non-winning teams makadawat sab og consolation prizes.

Gawas sa basketbol, nagkadaiyang kalihukan sa paugnat sa kusog ang ipahigayon nga gimugna alang sa mga kabatan-onan aron malikay sa mga dautang bisyo.

Ang maong mga kalihukan gipasidungog alang sa  kapistahan sa ilang mahal nga patron Sr. San Roque sa Agosto 16. (BANAT NEWS)