Gumabao bumandera para sa Flying Spikers

CEBU , Philippines   -- Hindi halatang ha­los dalawang buwan na hindi nakapaglaro si Mi­chelle Gumabao.

Binigyan ni Gumabao ng ningning ang kampan­ya ng AirAsia matapos tu­lungan ang koponan sa 25-23, 19-25, 25-19, 25-23 pag­gupo sa bigating Petron sa 2014 PLDT Home-Philippine Superliga (PSL) All-Filipino Conference volleyball tournament noong Sa­bado rito sa University of San Carlos gym.

Tumapos si Gumabao na may 3 points, ngunit gumawa naman ng mga bagay para sa Flying Spi­kers para manalo.

“Thumbs-up ako kay Mi­chelle,” sabi ni head coach Ramil de Jesus kay Gu­mabao, ang dating University Athletic Association of the Philippines (UAAP) Most Valuable Player na hin­di nakita sa limang laro ng AirAsia dahil sa kanyang pagsubok sa show business.

Nakalapit ang Flying Spi­kers sa isa sa dalawang outright semifinal berths sa women’s division ng tor­neong suportado ng of­ficial airline na AirAsia ka­tuwang ang Gilligan’s Res­taurant, Healthway Me­dical, PLDT Home DSL, Cig­nal, Solar Sports, Mika­sa, Asics, Mueller, LGR, Pe­tron, Bench at Generika.

Katala ng koponan sa isang three-way logjam ang Generika Army at RC Cola-Air Force sa itaas ng team standings sa magkakatulad nilang 4-2 win-loss card.

Nalaglag naman ang Pe­tron sa ikalawang pu­wes­to mula sa kanilang 3-2 marka.

Kailangang ipanalo ng tropa ang kanilang laro sa Cignal HD sa Miyerkules pa­ra buhayin ang tsansa sa semifinals.

Binanderahan ni team skipper Cha Cruz ang Air­Asia sa kanyang 13 sma­shes para sa kabuuang 19 points, habang nagdagdag si Stephanie Mercado ng 14 markers para sa Flying Spi­kers.

Pinamunuan si Dindin Santiago, ang top overall pick, ang Blaze Spikers sa kanyang 15 kills para sa kabuuang 17 points.