Asturias cagefest mosikad karon
CEBU, Philippines - Ang gikahinaman nga 2014 Inter-Barangay basketball tournament sa Asturias, Cebu, pormal nang sugdan karong adlawa didto sa ilang sports complex sa nahisgutang lungsod.
Ang torneyo adunay duha ka dibisyon -- juniors ug seniors ug gibahin kini ngadto sa duha ka brackets.
Walo ka teams ang mosalmot sa juniors division diin nagtapok sa bracket A ang Gerick Internet Café, Barangay Langub, LN Camp 4, Lolang ug Jaguars, samtang nagpundok sa bracket B mao ang Barangay Sta. Lucia, AYA Aces, Tangad, ASA, ACY ug Barangay Owak.
Ang seniors division adunay 12 ka teams, ang EJ Bread Buddy Bakeshop, Med Review Cebu, LSYCO All Cousins, JDA, Tapon Sto. Niño ug Barangay Owak alang sa bracket A ug ang Clintper, Asturias Farms Inc., Barangay Sta. Lucia, Barangay Poblacion, Lapu-Lapu Warriors ug Shiker's ubos sa bracket B.
Ang torneyo usa lamang sa mga dakung kalihukan alang sa tinuig nga kapistahan sa maong lungsod.
- Latest
