USC, UV mag-abot ugma sa Game-1 sa Adelino B. Sitoy Cup

CEBU, Philippines - Mag-abot na ugma ang walay pildeng University of San Carlos (USC) Warriors ug University of the Visayas (UV) Green Lancers Team-B sa Game-1 sa  "best-of-three" finals series sa  Mayor Adelino B. Sitoy  Inter-Collegiate basketball tournament didto sa Cordova Sports Complex.

Sa Game-1 ugma, ang UV mosuway pagbawos ngadto sa USC nga maoy bugtong nakapilde kanila atol sa eliminasyon. Ang Warriors nagbitbit og 3-0 nga baraha, samtang ang UV adunay 2-1 win-loss record. Hinuon, maoy tuyo sa Warriors nga makauna aron magkaduol sila sa ilang tinguha nga makampiyon  butang nga wala nila mahimo sa CESAFI.

Parehong subsob ang paningkamot karon sa USC ug UV sa ilang preparasyon alang sa 14th  season sa CESAFI.