Ran or Shine nakatabla, 1-1

CEBU, Philippines -  Gibawsan sa Rain or Shine Elasto Painters ang Alaska Aces, 99-87, aron makuha ang Game-2 sa ilang best-of-five semifinals series sa PBA Governors’ Cup kagabii didto sa Smart Araneta Coliseum.

Nasayran nga ang Aces maoy midaog sa Game-1 niadtong Biyernes, 97-93, apan kagahapon ang Painters na usab ang miarte aron tablahon anga serye, 1-1.

Init ang sugod sa Alaska diin mitukod sila og 21-15 nga labaw sa first period, apan wala nila kini masustinir tungod usab sa hugot nga depensa sa Rain or Shine.

Ang rookie nga si Alex Nuyles ug import nga si Arizona Reid ang naningkamot nga makabalik ang Painters ug milampos sila pag-ilog sa labaw 40-32 sa second period.

Pag-abot sa third quarter, gipakusgan pa sa mga batos ni coach Yeng Guiao ang ilang atake ug ning higayuna si Beau Belga na usab ang mibanat samtang nagpadayun ang kainit ni Reid sa three-point area.

Giinat sa Painters ang labaw ngadto sa 18 puntos, 81-63, apan wala musurender ang Alaska ug hinay-hinay silang miapas diin ginaug nila ang labaw sa 10 puntos, 75-85, sa nahibiling 6:18 sa duwa.

Apan uwahi na ang tanan alang sa Alaska human usab daling nakaresponde sa opensa si Paul Lee nga mipasud sa iyang mga free-throws sa katapusang minutos aron sementohon ang ilang kadaugan.

Nahimong usa ka talagsaong world champion si Vasyl Lomachenko human niya masakmit ang bakanteng WBO featherweight title batok ni Gary Russell Jr. pinaagi sa unanimous decision. Ang kanhi two-time Olympic gold medalist nga si Lomachenko aduna lay 2-1, 1KO record, itandi ni Russell nga mas sinati sa pro sa record nga 24-1, 14KOs. (BANAT NEWS)