TBA-Power Forty action dad-on sa Guadalupe

CEBU, Philippines - Motapon karon sa barangay Guadalupe ang upat ka duwa sa TBA-Power Forty basketball tournament diin tinguha sa Power Forty ug sa Vintage Ball Club nga mokulit sa ilang ikaunom ka sagunson nga daog diha  sa Visayas Glass gym.

Unang magsangka sa alas-8 mao ang  Power Forty (5-0) batok sa  Punta Princesa (2-2) ug mosunod dayon ang duwa tali sa

Perez Trucking batok sa Inayagan nga parehong nagbitbit og  2-2 win-loss records.

Magsangka sab ang Bulacao (0-5) ug ang AC Sports (1-3) ug ingon man ang  Vintage (5-0) batok sa host Lucky 40 (2-2).  (BANAT NEWS)