Mangusong daog na sab duha ka titulo sa ms Motosuit MX Series

Sa makausa pa, si Rhowell 'Bornok'

CEBU, Philippines - Mangusong midaog na sab og duha ka championship trophy atol sa fourth leg sa 2014 MS Motosuit Motocross Series nga uloha'g "1st Dinagat Islands Motocross Challenge" niadtong Miyerkules didto sa Surigao.

Ang pambato sa Davao mipilde sa garbo sa Sugbu nga si Jonjon Adlawan sa makaduha aron masakmit ang expert ug pro open divisions. Si Ambo Yapparcon mitapos sa ikatulo sa expert category, samtang si Jubenille Abellar mi-okupar sa ikatulo sa pro open class.

Mikawat sab og salida ang beteranong si Pepo Rubi human maghari sa executive A. Sila si Rolando Gella ug Danden Catipay miangkon sa mosunod nga duha ka luna.  Si Atoy Belican mao sab ang nanghawod sa executive B, samtang ang top five finishers sa executive C mao sila si Gella, Jordan Bandigan, Dupit Frias, Roscel Gungob ug Alex  Abelo.

Sa open enduro action, si Jed Luna maoy labing paspas nga rider, gisundan nilang  Bentot Domo ug Alex Abalo. Si Doydoy Bandigan maoy nidominar sa novice open production dihang iyang gipilde silang Scott Remi ug Luna.

Wala hinuon masirohi si Remi dihang naghari siya sa intermediate division. Iyang gipilde silang John Flores ug Winsor Famorca.  Si Bentot Domo mao sab ang nanghawod sa local enduro. Si Abalo mitapos sa ikaduha, gisundan nilang Vibberson Alduhesa, Reyjay Salcedo ug AK Kausto.

Mipatigbabaw sab si BJ Pepito sa mini class 85cc. batok nilang Dodong Bandigan ug Philip Leonardo, samtang ang top three sa mini class 65cc. mao sila si Niño Mañacap, Lloyd Abrenica ug Kakay de la Piedra.

Sa special underbone, ang top three mao sila si Kirboy Jon Alon, Sunny Ecleo  ug JR Batanta. Sila si Wilmar Cultura ug Clark Impuesto maoy mikompleto sa top five.

Ang usa ka adlaw nga lumba, gipasiugdahan sa Benjie Ecleo ug gipaluyohan sa lokal nga kagamhanan sa Dinagat ug Lou Ornopia sa MS Motosuit.