Heat babaligtarin ang kasaysayan sa NBA Finals

SAN ANTONIO--Sisikapin ng Miami Heat na ibitin ang Spurs sa pagsikwat sa kanilang pang-limang NBA crown sa Game 5 ng NBA Finals ngayon.

Wala pang koponang nakakabawi mula sa 1-3 pagkakaiwan sa kasaysa­yan ng NBA Finals.

Ngunit may posibilidad ang Heat na baguhin ito.

“History is made to be broken, and why not me be a part of it? That would be great,” wika ni LeBron James. “That would be a great story line, right? But we’ll see what happens. I’ve got to live in the moment, though, before we even get to that point.”

Sapul nang magsama-sama sina James, Dwyane Wade at Chris Bosh sa Miami ay hindi pa naiiwanan ang Heat sa 1-3 sa isang serye.

“We’re not so entitled or jaded that we’re above ha­ving to fight for it, and that’s what it is right now,” ani naman ni Heat coach Erik Spoelstra. “It’s competition. So we’ve got to find a way to fight and get this next game, and that’s what it’s all about.”

Imbes na mag-ensayo ay nagpahinga ang Miami noong Biyernes.

Nakipaglaro si Mario Chal­mers sa kanyang anak, habang nanood si James ng pelikula at nagpahinga sa kanyang bahay.

Nag-relaks naman si Udonis Haslem kasama ang kanyang pamilya.