Sykes mitiklo sa GGS

CEBU, Philippines - Ang Sykes Pioneers walay puangod nga milubong buhi sa GGS Information Services Griffins, 84-24 sa 10th CSCC E-League basketball tournament niadtong Domingo didto sa City Sports Club-Cebu gym sa Cebu Business Park.

Bugtong si Ricardo Masiglat Jr. lang ang miiskor og double figures bisan pa sa ilang 60 puntos nga kadaugan. Si Masiglat miantog og 13 puntos ug adunay tulo ka steals.

Ang Sykes wala mohatag sa GGS og  higayon nga makagukod human morehistro'g 25-7 nga bentaha. Ilang napugngan ang GGS ngadto lang sa kuwatro puntos sa second quarter, dayon gitiwasan kini sa final period, 36-13 aron molansang og labing daku nga kadaugan niini nga season.

Si Ricci Lee Comendador maoy topscorer sa GGS nga mitikdol og 10 puntos. (Yoyo R. Abayan)

Sa laing mga duwa, ang Xerox Knights naka-eskapo bitbit ang 57-56 nga kadaugan batok sa Author Solutions Inc. (ASI) Hardbacks ug ang Teleperformance Kings midaog batok sa Telstra Boomerangs sa iskor nga 78-69. (BANAT NEWS)