Laba nakalingkawas sa Sunday Club Selection
CEBU, Philippines - Nakalingkawas ang Los Amigos Basketball Association (LABA) ni Banilad barangay councilor Gilbert Sebandal sa kulbahinam nga duwa batok sa SRP Sunday Club-B Selection, 75-66 sa ilang "friendly game" niadtong Domingo didto sa San Roque Parish gym sa barangay Subangdaku, Mandaue City.
Si SPO4 Dondon Colosco mipabuto og 22 puntos aron pangulohan ang LABA, kinsa nakatabla atol sa halftime, 37-all.
Gikan niadto, ang LABA mao na ang midiktar sa nahabiling duha ka kuwarter, hinuon wala sila makabiya'g daku.
Si SPO4 Coloscos nakakuha sab og suporta gikan nilang Manuel ug Joel Cabahug sa ilang 12 ug 11 puntos matag usa. Samtang ang napildeng Sunday Club-B ubos sa ilang presidente nga si Rom Castañeda, gipangulohan ni Richie Tecson, kinsa mikimada'g nuybe puntos, gisundan nilang Romy Gastardo ug Marcial Marturillas nga adunay otso puntos matag usa.
Ang maong exhibition game maoy milamas sa pagbukas sa Sunday Club 8th Founding Anniversary League. (BANAT NEWS)
PUNTOS MATAG USA
LABA (75) – Coloscos 22, Manuel 12, Cabahug 10, Ocier 9, Gonzaga 4, Englis 4, Sebandal 4, Auman 3, Maratas 2, Rostata 2, Pon 2, Tantuan 2, Heredia 2.
SUNDAY CLUB-B (66) – Tecson 9, Gastardo 8, Marturillas 8, Aton 6, Rosaroso 6, Menaling 6, Anghay 5, Colina 4, Ontong 4, Monching 2, Abatayo 2, Castañeda 2, Migallen 2, Miñoza 2.
- Latest
