Azkals magic run naputol
Nahugno ang Filipino football fans sa kapildihan sa Philippine Azkals sa mga kamot sa Palestinians didto sa Mali, Maldives niadtong Biyernes sa alas-12 sa tungang gabii (oras dinhi sa Pilipinas).
Apan di kita angay nga madismaya niini, bisan naputol ang "Azkals Magic" sa AFC Challenge Cup 2014 wala kini magpasabot nga wala'y naabot ang mga Pinoy sa natad sa football sa world stage level.
Kini kay naabot sa Azkals ang finals sa maong prestihiyosong kompetisyon, butang nga wala pa nato sukad makab-ot sa AFC Challenge Cup. Kay kaniadto, natagak man ta sa semis pa lang, pero karon at least misaka ta'g usa ka tikang.
Sa iyang "tweet", ang team manager nga si Dan Palami kinsa gi-eject tungod sa pagsige'g reklamo, midawat sa kapildihan ug miabi-abi sa Palestine sa pag-ingon nga napilde ang Azkals sa usa mas maayong team nianang gabhiona ug giampo ang mga Palestino nga makab-ot ang kalinaw sa ilang nasud.
Sa pagkapilde sa Azkals batok sa Palestine, 0-1, nahanaw atong tsansa nga makuha ang nahibiling usa ka slot alang sa Asian Cup nga himuon sa Australia.
Anugon lang nga naiskoran ta sa Palestine kortesiya sa ilang leading striker nga si Ashraf Alfwaghra pipila ka tiil gikan sa box sa 58th minutes sa second half nga kuwang na lang usa ka dangaw mapugngan unta sa Pinoy goalkeeper Roland Muller.
Kun tan-awon og maayo, dili kaayo layo ang kalidad sa dinuwaan sa Azkals sa Palestines, apan grabe lang gyud ilang kahugot sa depensa ug mas daghan ilang ball possession. Hinuon, pareho silang nakahigayon nga makaiskor ug parehong lig-on ang depensa. Didto lang gyud ta napilde sa penalty.
***
Kagahapon, usa ka "gun proficiency training" ang gihimo sa Provincial Police Office pinangulohan ni Sr. Supt. Noel Gillamac ug ni Provincial Intelligence Branch Chief Supt. Rodulfo Albotra uban sa mga sakop sa media sa CPPO Firing Range.
Nagpasalamat ang mga mediamen ilabi na ang mga sakop sa PNP-Defense Press Corps sa higayon nga gihatag sa kapolisan pagtudlo sa hustong paggamit og armas alang sa ilang seguridad.
PAGTULON-AN: "People crushed by law, have no hopes but from power. If laws are their enemies, they will be enemies to laws; and those who have much to hope and nothing to lose, will always be dangerous" – EDMUND BURKE
- Latest
