2-0, tuyo sa Power Forty ug Vintage

CEBU, Philippines -  Mosuway pagkulit sa ilang ikaduhang daog ang Power Forty sa ilang  sangka batok sa Talisay Basketball Association (TBA)  sa pagpadayon sa TBA-Power Forty Above 50 basketball tournament didto sa Talisay Sports Complex.

 Sugdan ang duwa sa ala-1 sa hapon.

 Ang Power Forty ni Atty.  Flor Yosores maoy giilang title favorite sa maong torneyo.

 Sa laing duwa, ang Vintage nagtinguha sab  nga mokuha'g 2-0 nga abante batok sa Inayagan. Magsangka sab ang AC Sports ug

ang Lucky 40.

 Mosalida sab karon ang Punta Princesa,  kinsa makigsangka batok sa Bulacao. (BANAT NEWS)