Alaska tuyo moposte'g 2-0 sa Governor's Cup

CEBU, Philippines -  Tinguha karon sa Alaska Aces nga mokuha'g sayong liderato sa PBA Governors' Cup sa ilang pakigsangka batok sa Global Port Batang Pier karong adlawa didto sa Smart Araneta Coliseum.

 Ang Alaska, kinsa lab-as pa sa ilang 94-87 nga kadaugan batok sa San Miguel Beermen sa ilang opener makigsangka sa GlobalPort sa alas-5:45 sa hapon.

 Giatngan nga moarte pag-usab alang sa Alaska si import Henry Walker, kinsa impresibo sa iyang PBA debut human siya mibubo og 27 puntos batok sa Beermen.

 Sa main game,  naglaraw sab  ang Beermen nga motilaw sa  labing una nilang daog sa dihang ilang sangkaon ang Rain or Shine Elasto Painters sa alas-8 sa gabii.

 Ang kanhi PBA standout nga si Reggie Williams, kinsa mirakrak og 43 puntos  alang sa Rain or Shine maghangad sa suporta gikan sa lokal niyang kaubanan. (BANAT PALARO)