Petracorta-Rollway nakaipsot batok sa Avenido
CEBU, Philippines - Gipakuratan sa undermanned Petracorta-Rollway ang Avenido Brokers human sila makaipsot, 104-103 sa 2nd BOC-CIPU Cup basketball tournament niadtong Martes didto sa barangay Tinago gym, ning dakbayan.
Ang Petracorta gikuhaa'g 15 puntos tungod kay kulang sila og tulo ka players, apan wala gihapon sila matarog. Pinaagi sa 36 puntos ni Julius Tarona ug sa 25 puntos ni Francis Palero, ilang gihinay-hinayan og papas ang daku nilang biya aron moposte'g 7-1 nga baraha, samtang ang Avenido kinsa nagkaguliyang dihang nangigo silang Tarona ug Palero adunay 4-4 nga baraha.
Sa laing duwa, ang Ecu Line midaog batok sa Alin Brokers ni Israel Alin sa iskor nga 114-93.
Si Loreto Castillo maoy nangu sa Ecu Line sa iyang 20 puntos, gisundan ni Gerry Singson nga adunay 18 puntos
Pilde man tuod, apan dili masukod ang kalipay ni team owner Israel Alin kinsa nag-anam ka-umento ang matang sa duwa ug ang iyang kontribusyon sa team tungod kay bisan og didto na siya makasulod sa second quarter, siya gihapon maoy nangu sa opensa pinaagi sa iyang 21 puntos.
Silang Edwin Estorgio, Ryan Barral ug Ryan Villomo pulos sab miamot og double figures alang sa Alin Brokers.
puntos matag usa
Unang duwa:
Petracorta-Rollway (104) – Tarona 36, Palero 25, Villaronza 14, Solidarios 12, Sagario 8, Palad 5, Petracorta 4.
Avenido Brokers (103) – Dungog 22, Arevalo 22, E. Avenido 19, Jordan 11, Quilantang 7, Sumambong 6, Mompar 6, Pangan 6, Inhambre 2.
Ikaduhang duwa:
Ecu Line (114) – Castillo 20, Singson 18, Tandas 15, Maunes 13, Into 12, Cabillada 6, Amdin 6, Olmedo 5, Guardiano 4.
Alin Brokers (93) – I. Alin 21, Estorgio 19, Barral 15, Villomo 15, Tradio 7, Lleve 5, Desucatan 4, Nudalo 4, Alimoren 3. (BANAT NEWS)
- Latest
