Vintage, Power 40 nag-wild

 CEBU, Philippines - Gipanglubong sa Vintage ug sa Power Forty ang ilang tagsa-tagsa ka kaatbang aron moiskor og daog sa pagbukas sa Talisay Basketball  Association (TBA) Power Forty 50-Above basketball tournament niadtong Domingo didto sa Talisay Sports Complex.

 Ang Vintage miiskor og makabungog nga kadaugan batok  sa Bulacao sa iskor nga  84-58, samtang ang Power Forty ni Atty. Flor Yosores milubong sa  Inayagan- Naga sa iskor, 100-71.

 Tulo ka players sa Vintage ang mihimo'g double figures nga gipangulohan ni Macong Lisondra sa iyang 17 puntos.

 Sa laing bahin, ang  kanhi USPF Panther nga si Dodong Espinosa maoy nangu sa Power Forty nga miiskor og 21 puntos, si Ramon Ceballos miamot og 18 puntos, samtang sila si Michael Arias ug Yosores mitampo'g 13 puntos matag usa.

 Lima lang ka players ang nakaiskor alang sa Inayagan  sa pagpangulo ni Dido Villareal, kinsa mipabuto'g 22 puntos.

 Mihakot sab og daog  ang  Perez Trucking batok sa  Lucky 40 sa iskor nga 85-70.

 Si  Boboy Rosito mikamada'g 16 puntos aron pangulohan ang Perez Trucking, gisundan   ni Gideon Bughao sa iyang 15 puntos, sila si Danny Lim ug Hermez  Abasolo mitampo'g 12 ug 11 puntos matag usa.

 Midaog sab ang Punta Princesa dihang ilang gipakauwawan ang  host team TBA sa iskor nga 70-63 ubos sa giya nilang Sam Cabrera ug Carding Vernaiz nga nagkumboya'g 32 puntos.

PUNTOS MATAG USA

(Unang duwa)

 Punta Princesa (70) –  Alesna 16, Cortes 13, Belande 10, Taboada 10, Arias 9, Ramos 6,Villaver 4, Reyes 2.

 TBA (63) – Cabrera 19, Vernaiz 13, Laroa 6, Fernandez 6, Labuca 5, Sanoy 5, Yosores 3.

Ikaduhang duwa

 Power Forty (100) – Espinosa 21, Ceballos 18,  Yosores 13, Arias 13, Gacayan 9, Ozon 8, Mosqueda 6, Labalan 4, Cabatas 3, Dayota 3, Villaner 2.

 Inayagan (71) – Villareal 22, Lalican 16, Caballero 13, Alfante 8, Encarnado 8.

Ikatulong duwa:

 Perez Trucking (85) – Rosito 16, Bughao 15, Lim 12, Abasolo 11, Ebrado 10, Dejacto 8, Almojallas 6, Perez 4, Dela Rama 4, Cayubit 2.

 Lucky 40 (70) –  Posadas 12, Rivera 11, Escuyos 10, Cabanilla 8, Rama 8, Aulga 7, Chu 6, Cainglet 4, Labra 3, Fernando 1.