Marquez daog via UD rematch nilang Pacquiao mihayag
CEBU, Philippines - Midaku ang tsansa nga subling mag-abot ibabaw sa ring ang mortal nga magkaribal nga sila si Manny Pacquiao ug Mexican Juan Manuel Marquez, human sa impresibong kadaugan sa nauwahi kagahapon batok ni Mike Alvarado didto sa California.
Sa edad nga 40-anyos, si Marquez mipakita nga aduna gihapon siya'y kapaspas ug kusog dihang iyang gikulata si Alvarado ug aron makuha ang unanimous decision nga kadaugan.
Si Marquez misakmit sa WBO International welterweight title ug nahimo siyang mandatory challenger alang sa WBO regular title nga kasamtangang gihuptan ni Pacquiao.
"We'll relax first," matud pa ni Marquez sa Associated Press. "I don't know at the moment, but any decision we make will be good for me, good for my family.â€
Daku og kahigayunan nga magsangka pag-usab ang duha ilabi na nga gusto sa kampo sa Filipino boxing icon nga makabawos si Pacquiao human sa sixth round knockout nga kadaugan ni Marquez sa ilang fourth fight niadtong tuig 2012.
Ang Mexican superstar migamit sa iyang hait nga kombinasyon aron hinay-hinayon og kulata si Alvarado kinsa iyang napatumba sa eight round.
Hinuon, miagi og kulba si Marquez dihang wa damha nga maigo siya og counter hook ni Alvarado nga mipayaka kaniya sa ninth round.
Apan gamit ang iyang taas nga kasinatian si Marquez daling nakahimo og adjustment ug gipadayon pagpasulod sa iyang mga limpyong tira batok sa depensa sa kanhi American champion nga si Alvarado.
Si Marquez kinsa mikita og $1.4 million sa maong away, naglaum nga sa iyang gipakita, mabalik ang pagsalig sa iyang mga fans kaniya ug napakita niya nga dugay pa siya malaos. (BANAT PALARO)
- Latest
