San Isidro hari sa Brgy. Casili Consolacion tourney
CEBU, Philippines - Gilupig sa San Isidro ang pagkabalaan sa Sto. Niño pinaagi sa pag-iskor og 73-58 nga kadaugan aron maangkon ang korona sa seniors division sa Barangay Casili Consolacion Summer League 2014 basketball tournament niadtong Mayo 12 didto sa gym sa maong barangay.
Kuyaw kaayong nakaduwa si Plapla Cañete sa first period hinungdan nakabentaha dayon og daku ang San Isidro paghuman sa unang 10 minutos sa duwa. Apan mibahar ang iyang duwa sa second quarter nga naghatag sa Sto. Niño og higayon nga maka-rally.
Human sa halftime, nagsinukliay og mga puntos ang duha ka kampo hangtod na sa tunga-tungang bahin sa fourth quarter.
Sa katapusang tres minutos, naluya na ang Sto. Niño ug naguba ang ilang duwa.
Sila si W. Tibon ug Allan Manatad parehong miiskor og 13 puntos aron pangulohan ang San Isidro, samtang sila si Cañete ug N. Cabucos mipisik og 10 puntos matag usa.
Sa napildeng Sto. Niño, si Cobrado mao ang topscorer pinaagi sa iyang 14 puntos, samtang duha niya ka teammates ang miiskor sab og double figures.
Sa juniors division, nakuha sab sa Fatima-A ang korona dihang ila usab nga gilubong ang San Isidro, 76-53.
Sa laing aksiyon, ang De Paul mipilde sa Immaculate, 60-59 aron masakmit ang titulo sa midget division.
Nagmalampuson ang liga pinaagi sa dakung suporta ni barangay captain Eddie Alilin uban sa iyang mga konsehales nga silang Avelino Gungob Jr. Pio Tibon, Okling Baring, Nestor Gerona, Eugene Jakosalem, Dondie Cuizon ug Ammie Gonzaga, Mila Manlapaz (Brgy. Secretary) ug Anabella Busa (Brgy. Treasurer) ug nilang M. Puzon, H. Fontanoza, A. Wenceslao ug T.F. Dela Cerna. (BANAT NEWS)
PUNTOS MATAG USA
Unang duwa:
DE PAUL (60) – Alcover 15, Pabroques 13, Golango 8, Ferrer 8, Pabroques 5, Pinto 3, Lubid 3, Malazarte 3, Pabroques 2.
IMMACULATE (59) – Membrano 17, Quilaton 12, Tero 7, Reforma 6, Dimpas 5, Morato 4, Morato Jr. 3, Ermac 3, Sansalejo 2.
Ikaduhang duwa:
FATIMA-A (76) – Sabellana 15, Gonzaga 13, D. Gonzaga 12, Sausa 7, Wong 6, Cabillada 6, De Guzman 4, Aligway 4, Alilin 4, E. Jugalbot 3, Jugalbot 2.
SAN ISIDRO (53) – Pianar 15, Tibon Jr. 12, Figarum 9, Almar 7, K. Tibon 3, C. Tibon 2, D. Tibon 2, Malait 2, Canceran 1.
Ikatulong duwa:
SAN ISIDRO (73) – W. Tibon 13, Manatad 13, N. Cabucos, 10, Cañete 10, Dungog 9, G. Cabucos 8 N. Tibon 6, Cadampog 2, Del Castillo 2.
STO. NIÑO (58) – Cobrado 14, Tura 13, Ali 11, Capinillo 8, Melencion 4, Arriesgado 3, Badayos 3, Vilvestre 1.
- Latest
