Bogo Duathlon Trail Challenge sa Mayo 18

CEBU, Philippines -  Magsinukdanay na sab sa ilang katakus ang mga  atleta dinhi sa Sugbu sa ikaduhang pagpahigayon sa Bogo City Duathlon Trail Challenge nga mosikad karong Domingo didto sa dakbayan sa Bogo.

 Ang lumba mosubay og 8K run, sundan sa 30K bike ug laing 8K run paingon sa finish line.

 Aduna kini lima ka kategoriya nga naglakip sa men's 18-32, 33-45, 45 ug pataas, female open ug relay. Ang relay kinahanglan magpares ang lalaki ug babaye isip team.

 Niadtong interesado nga mosalmot, mahimong magparehistro sa Olives Motor Spare Parts sa Bogo pinaagi ni Jorge Ponce sa Ibabao-Estancia dakbayan sa Mandaue ug sa Southpeaks Outdoor Shop sa Mandaue City.

 Aduna kini entry fee nga P800 libre na ang singlet ug snacks. Adunay pagahimuon nga race briefing karong Sabado didto sa Bogo Sports Complex sa Nailon, Bogo. (BANAT PALARO)