Inter-Barangay tournament sa Cordova sa Mayo 31 na

Nagkahiusa ang mga sports leaders sa Cordova nga ipatuman ang mas husto ug istrikto nga paagi aron molambo ang ilang basketball program ug suportado  kini ni Mayor Adelino B. Sitoy.

Niadtong Huwebes, Mayo 8, gilusad ang Basketball Association of Cordova kon BAC, usa ka grupo kinsang tahas mao ang pagdumala ug pag-monitor sa tanang mga kalihokan kalabot sa basketball sa Cordova.

Gitambongan kini sa halos tanang barangay coaches apan wala motambong ang pipila kanila ilabi na kadtong mga reklamador aron unta ilang hisabtan og maayo ang katuyoan ug ma-aninaw ang maayong dalan sa kalamboan nga ipasubay kanila sa BAC.

Gidapit ako ni Boy Allan Lataza, ang akong higala nga kanhi team manager sa Skygo Motors sa panahon sa Cebu Basketball Federation (CBF) nga maoy nahimong usa sa labing inilang commercial team sa Sugbo nga gipanag-iya sa kanhi appliance magnate nga si Lito Gillamac, Jr.

Matod pa ni Lataza, ang nagsuwat sa BAC Manual diin mabasa ang lain-laing impormasyon kalabot sa basketball nga gituohan nga maoy makapausab  sa mentalidad sa mga coaches sa Cordova. Otorisadong giyagyag og gibatbat ni Lataza ang mga lagda sa BAC sa iyang gisuwat nga Manual ug gidasonan kini ni Cordova municipal councilor Roque Yburan, ang presidente sa BAC. Si Mayor Sitoy kinsa maoy nagsilbing overall chairman dili lang sa basketball apan sa tanang kalihokan sa sports sa maong lungsod. 

Usa sa gipahimug-atan sa BAC mao ang pagtudlo sa ilang mga coach sa pagdawat sa wala'y kayugot sa ilang kapildehan sa duwang basketball ug dili lang kay ang pagdaug ra gyud maoy kanunay hunahunaon bisan og sayop ang ilang mga pamaagi o panglantaw.

Laing suliran nga kanunay maghatag og labad sa ulo sa mga tigpasiugda sa torneyo sa Cordova mao ang improper bench decorum. Gihangyo sab sa mga BAC officials nga kung mahimo amateur ang gamiton sa numero sa ilang jersey gikan sa no. 4 ngadto sa no. 18 aron daling makahatag og senyas ang referees kung dunay mga infractions o mga violations atol unya sa duwa.

Parehong mipasalig silang Konsehal Yburan ug si Lataza kinsa maoy Commissioner sa BAC nga ang umaabot nga torneyo karong Mayo 31, ilang ikapasigarbo ni bisan kinsa isip labing malinawon ug labing mabulokon nga torneyo nga ilang gidumala.

Ang mga kasaligan ug ligdong nga katawhan nga nag-umol o nagpaluyo sa BAC mao kining mosunod; Mayor or Adelino B. Sitoy, Overall chairman; Vice Mayor Teche Sitoy Cho, Vice Chairman; Roque Yburan, President; Ian Godornes, Exec. Vice President; Tournament Committee members

Rolando Tumulak, Chairman Atty. Jojo Gairanod, Legal Counsel; Paulo Tagsip, Secretary-General, Boy Allan Lataza, Commissioner; Antoine Pogoy, Deputy Commissioner; Hon. Nicolas Tura, Treasurer;

BAC (The Association) isip Auditor; Remar Baguio

Remar Baguio, Operations Manager; Other Personnel;

Gresham Aro, Messenger,Berlito Rizando, Complex Caretaker, Ian Cortesiano, Technicality, Ma. Luz Yburan, Gate Control, Dr. Chris Calimbas, Rural Health Unit-First Aid and P/Insp. Julius Ompad, Peace and Order (Security).

MISCELLANEOUS. Condolence to the Ladonga Family---Gaudencio and Fausta for the death of their daughter Teresa Ladonga, 53, an employee of the Gaisano Main, Colon street last May 6. She was interred yesterday at the Calamba cemetery. Few years ago, their son Arturo also passed away. She was survived by her sisters and brothers namely; Ludivina, Evelyn, Antonio, Ruth L. Mayers in Los Angeles, California, Armando, Elsa Batisnen, Roberto, Sonny and Allan.