Cobras nakaikyas sa Altas sa FilOil tilt

CEBU, Philippines - Miiskor og kulbahinam nga kadaugan ang Southwestern University (SWU) Cobras batok sa University of Perpetual Help System-Dalta Altas sa iskor nga  79-77 sa  nagpadayong 2014 FilOil Flying V Hanes Premier Cup kagahapon didto sa  San Juan Arena.

 Nidaog kini pinaagi sa running shot ni Antonio Pardo dayong kapupos sa oras sa duwa.

 Ang team leader nga si Mark Jayveen Tallo mao unta ang molansang sa kadaugan, apan iyang gihatag ang kahigayonan ngadto ni Pardo.

 Sila si Pardo ug Tallo maoy nangu sa SWU nga parehong mikutlo'g 19 puntos.

 Ang Cobras nagbitbit na karon og 2-0 nga baraha, samtang ilang gipahamtangan  ang  Altas sa una nilang kapildihan human   mikulit   og     tulo  ka sunod-sunod nga daog.