Cobras daog sa Bombers
CEBU, Philippines - Gisubhan og daog ang Southwestern University (SWU) Cobras human nila gipukan ang Jose Rizal University Heavy Bombers, 72-68 kagahapon sa 2014 FilOil Flying V Hanes Premier Cup didto sa San Juan Arena.
Kini ang labing unang duwa sa SWU ni coach Raul 'Yayoy' Alcoseba.
Sa first period pa lang, gibanatan na sa SWU ang JRU diin milabaw sila og nuybe puntos, 22-13 paghuman sa maong kuwarter. Mitubo pa kini ngadto sa 20 puntos, 63-43 pinaagi sa pagpanginit nilang Daryl Goloran, Mark Tallo ug Landry Sanjo. Miapas ang Bombers ubos sa mga paningkamot nilang Philip Piniamogan ug Razak Abdul aron makan-an ang labaw sa single digits sa 54-63 sa katapusang singko minutos. Dali sab hinuong mibawos ang SWU ug nabingat pagbalik ang labaw sa 11 puntos.
Ugma, ang SWU moharong sa University of Perpetual Help System-Dalta Altas sa alas-2 sa hapon. (BANAT NEWS)
- Latest
