Jones pabiling kampiyon

Napanalipdan ni Ultimate Fighting Championship (UFC) light heavyweight king Jon Jones ang iyang bakus pinaagi sa usa ka dominanteng unanimous decision nga kadaugan batok ni Brazilian Glover Teixera.

Pinoy boxers pakyas

Wala musalir ang Pinoy challenger nga si Richie Mepranum human siya gikulata ni WBA/WBO flyweight champion Juan Francisco Estrada kinsa midaog pinaagi sa 10th round TKO didto sa Mexico.

Napilde usab ang laing Pinoy nga si John Mark Apolinario kinsa miaway sa supporting bout batok ni Mexican Hernan Marquez.

Kontrang Klitschko 5 round ra

Sayun nga gidispatsar ni heavyweight champion Vladimir Klitschko ang iyang challenger nga si Alex Leapai kagahapon didto sa Germany.

Sa maong kadaugan, si Klitschko midepensa sa iyang WBA, IBF, WBO ug IBO titles.

Depensa mituboy sa La Salle

Wala hatagi'g higayon sa De La Salle Green Archers nga maka-iskor ang University of the East Red Warrior sa unang singko minutos sa fourth period ug ang hugot nga depensa maoy rason sa ilang 69-62 nga kadaugan atol sa nagpadayon nga 2014 Fil-Oil Flying V. Hanes Premier Cup Pre-Season game didto sa San Juan Arena sa Metro Manila.

  Mihimo'g krusyal nga puntos si Arnold Van Opstal aron tabangan nga maka-sipot ang Green Archers kinsa mao sab ang UAAP champion.

"It was good for us because it was a tune-up."Right now, we're just testing the waters, trying to get a feel for my teammates, trying to test things up. They didn't have [Charles] Mammie though, and I was expecting him,” matud pa ni Van Opstal.

Gipaneguro nilang Van Opstal ug Almond Vosotros nga mosaler ang ilang mga krusyal "plays" batok sa UE kinsa maoy defending champion sa maong torneyo.

 Miposa og 16 puntos si Van Opstal, ang 6’7 nga sentro sa La Salle lakip sa iyang unom ka rebounds, duha ka assists ug duha sab ka blocks.

Mi-rally sa ilang 2-7 nga biya ang La Salle ug nakailog og bola gikan kang Roi Sumang gawas pa gyud nga siya maoy mi-iskor sa kataposang kuwatro puntos sa fourth period aron pagselyado sa ilang kadaugan.

Sa laing bahin, midugang og 10 puntos si Vosotros. "Experience talaga,yung last shot ni Arnold, pass talaga yun, pinapractice namin," matud pa ni Vosotros.

Milungtad una'g singko minutos sa wala pa makapuntos og usab ang UE sa fourth gikan ni Dan Alberto kinsa naka-igo og triple.

Human sa 20-10 nga labaw sa sayong bahin sa duwa, naka-iskor sab ang Warriors ubos sa bag-o nilang coach nga si Derrick Pumaren. (GGM)