Maracas ug Camagong maoy kampiyon sa sasa
CEBU, Philippines - Nasakmit sa Maracas ang kampiyonato sa midget division sa bag-o lang natapos nga 1st Sunrise All Sports Association (SASA) 2014 human ilang gipukan ang Purok 3 sa finals, 80-77 niadtong miaging semana didto sa barangay Lahug open court.
Ang napiling MVP sa midget division mao si Janjan Bautista.
Sa laing duwa, maoy midaug sa titulo sa mini division ang Camagong Underdogs human ilang gipilde ang Sudlon Dragons sa iskor, 66-57. Ang 3rd placer sa maong dibisyon mao ang Balagtas Wolves.
Si Kervi Osmeña maoy napiling MVP sa mini division.
Mikabat sa 20 ka teams ang misalmot sa midget division ug may 12 ka teams sa mini division.
Gipahibalo sa organizer sa SASA nga si kanhi CIT Wildkittens power forward Robert Ortega nga sugdan dayon nila ang second season karong gabii ug ilang gi-awhag ang mga interesadong mga teams nga mosalmot aron ilang mabahig og mahimoan dayon og skedyul.
Ang torneyo sa SASA gipaluyohan nilang Billy Gabiana, Max Caballes ug Rodel Salimbot. (BANAT NEWS)
- Latest
