Road Warriors diretso sa 6

MANILA, Philippines - Gumana ang kamay ni Bobby Ray Parks Jr. sa huling yugto para tulungan ang NLEX Road Warriors sa paghagip ng ikaanim na sunod na panalo sa 98-82 panalo sa Derulo Accelero Oilers sa PBA D-League Foundation Cup kahapon sa JCSGO Gym, Cubao, Quezon City.

May 3-pointer at 3-point play si Parks sa nasabing yugto para makakalas ang Road Warriors mula sa hu­ling pagdikit ng Oilers sa tatlong puntos, 74-71, upang manatili ang pagi­ging walang talong koponan sa liga.

Tumatag pa ang kapit ng Cebuana Lhuillier Gems sa ikalawang puwesto nang naipasok ni Brian Ilad ang reversed lay-up tungo sa 77-76 panalo sa Café France Bakers.

Si Mon Abundo ang nagbigay ng 76-75 kala­mangan sa Bakers at nag­ka­roon ng magandang pag­kakataon na maipanalo ang laro nang sumablay ang dalawang free throws ni Marcy Arellano.

Pero si Arellano rin ang na­kakuha sa offensive rebound at naispatan ang nasa ilalim na si Ilad tungo sa winning basket.

Umangat ang Gems sa 4-1 karta habang ang Ba­kers ay bumaba sa 2-3 karta.

May dalawang dikit na tres ang ginawa ni Roider Cabrera habang apat ang ginawa ni Rudy Lingganay para pagningasin ang opensa ng Boracay Rum  at kunin ang 76-70 panalo sa Big Chill.