Managsuong Hann hawud sa Oceanman
CEBU, Philippines - Misidlak ang bituon sa managsuong Hann sa Sacred Heart School-Ateneo de Cebu (SHS-AdC) dihang ilang gidominar ang tagsa-tagsa nila ka dibisyon sa Oceanman event sa 2014 Sta. Fe Beach Games niadtong Sabado didto sa Sugar Beach Resort.
Si Lorraine Hann maoy nanghawod sa female open sa 200m swim ug 400mX4 run. Gipilde niya silang Rue Reinhardt Panibon. Siya sab ang nidominar sa 1.5-kilometer open water swim ubos sa female 13-15 category sud sa 21 minutos ug 35:50 segundos.
Sa iyang bahin, si William Hann mao sab ang naghari sa boys 12-under class.
Si Franklin Echeveria maoy nidaog sa male open batok ni Joel Penoncillo, samtang ang amahan nilang Lorraine ug William nga si Steve nanghawod sa 40-above class sa oras nga 29:32.44.
Sa female 20-29 division, si Ann Miscala maoy labing paspas diin gitapos niya ang lumba sa oras nga 35:49.37, samtang si Rogie Abella mao ang midaog sa men's 20-29 nga mioras og 35:08.15.
Midaog sab si Luz Tan sa female 40-above category human niya gipilde si Mary Rosales.
Si Ronald Tordillos, kinsa mioras og 1:06:07.68 maoy naghari sa 5K open water event, gisundan ni Wilmar Saavedra sa oras nga 1:31:22.52.
Hinuon, si Saavedra maoy mipatigbabaw sa men's 5K action. Si Franklin Bais mi-okupar sa ikaduha, samtang si Anjie Jowarro nalandig sa ikatulo.
Si Sandra Sollano mipukan Leonora Villamor alang sa women's title, samtang si Sheila Aligway napunta sa ikatulo. (BANAT NEWS)
- Latest
