Pacquiao natuwa sa ‘di pag-atras ni Bradley
MANILA, Philippines – Hindi tulad ng kanilang inaasahan, nakipagsabayan kay Filipino boxing icon Manny Pacquiao ang kanyang kalaban na si Timothy Bradley nang magkaharap sila kahapon sa MGM Grand Arena sa Las Vegas.
Dahil dito, ikinatuwa ni Pacquiao ang naging bakbakan nila ng 27-anyos na si Bradley, taliwas sa kanilang inaasahang hindi makikipag-sabayan ang Amerikano.
"I enjoyed it, because my opponent was moving in the early rounds, so he was coming inside and he wanted to fight toe-to-toe," wika ni Pacquiao sa ulat ni Lem Satterfield ng ringtv.com.
Ani Pacquiao ay nabigyan siya ng magandang laban ng dating walang talong si Bradley.
"Tonight, the fight was good. My opponent was trying to knock me out, and I was trying to knock him out, also. But there were times where he hit me also with a good right hook, left hook. But it's okay. This fight, I'm satisfied," banggit ng Saranggani representative.
Naagaw ni Pacquiao ang titulo kay Bradley sa score na 116-112, 116-112, at 118-112.
Sinabi pa ng eight-division champion na sinubukan niyang patumbahin si Bradley ngunit sadyang maganda ang depensa ng kanyang kalaban.
"I would grab the opportunity if he gave me the chance to knock him (Bradley) out. That's what I tried to do. But he was moving his head and he had good defense and he was missing a lot of punches with his defense."
Noong 2009 pa huling naka knockout si Pacquiao laban kay Cotto at mula noon ay pawang nauwi sa decision ang kanyang mga laban.
Pero kahit na walang knockout na nangyari ay masaya si Pacquiao na tuloy pa rin ang kanyang career sa boksing.
“This proved that my boxing journey will continue,†wika ni Pacquiao.
- Latest
