Petracorta-Rollway no. 1 na karon

CEBU, Philippines - Temporaryong nasakmit sa Petracorta-Rollway Brokers ang solong liderato human sila maka-eskapo batok sa kugihan ug "unpredictable" nga Alin Brokers ni team owner Israel Alin sa iskor, 87-84 kaniadtong Huwebes atol sa nagpadayon nga 2nd BOC-CIPU basketball tournament didto sa barangay Tinago gym, ning dakbayan.

Sa sayo pa, dakung upset ang gihimo sa Avenido Brokers dihang ilang gipakaging ang Enforcement Security Service (ESS) sa iskor, 86-85 pinaagi sa winning jumpshot ni Alfie Quilantang atol sa final buzzer.

Aduna na karo'y 4-0 nga baraha ang Petracorta-Rollway samtang ang MJDL adunay 3-0 nga baraha.

Si Francis Palero maoy nangu sa Petracorta-Rollway sa iyang 19 puntos samtang parehong midugang og 10 puntos matag usa silang Takloy Motal ug Reden Villaronza.

Ang Alin Brokers kinsa wala pa'y daog sulod sa upat ka duwa ug nagtabla sa kinaubsan nga pwesto uban sa Rongcales Brokers, gipangulohan ni Ryan Barral sa iyang 31 puntos.

Sa sayo pa, mibahug og 15 puntos si Quilantang lakip ang winning basket apan si Jim Villa maoy nangu sa ilang opensa sa iyang 20 puntos aron tabangan ang ilang team nga mokulit og 3-1 nga baraha ug nakigtabla sa ilang biktima sa ikatulong pwesto.

Dili tiaw ang kakurat sa mga pambato sa ESS nga gipangulohan sa high-scoring tandem nilang Kenneth Maningo ug Ramil Aniñon kinsa miposa og 23 ug 21 puntos matag usa.

Puntos matag usa:

First Game:

Avenido Brokers (86)---   Villa 20, Quilantang 15, Tan 14, Almodal 10, Arevalo 8, Avenido 8, Mompar 4, Laraga 4, Jordan 4

ESS (85)--                Maningo 23, Aniñon 21, Mabalo 14, Gabica 10, Yu 8, Monteño 4, abayon 1.

Second Game:

Pertacorta-Rollway (87)---  Palero 19, Moral 10, Villaronza 10, Generalao 7, Manlosa 7, Petracorta 7, Sagario 6, N. Petracorta 6, Dela Pieza 4, Solidariois 4, M. Petracorta 3.

Alin Brokers (84)---        Barral 31, Estorgio 12, Lleve 11, I. Alin 9, Alimorin 4, Quiros 4, Villomo 4, Desucatan 2, Nudalo 2. (Gabby G. Malagar)

Holiday sa Sarangani sa kadaugan ni Manny

Nagmaya ang boxing fans sa Pilipinas ug nagpista sa kalipay ang mga molupyo sa Sarangani province nga girepresentahan ni Kongresista ug bag-ong WBO welterweight champion Manny Pacquiao kinsa midaug batok kang Timothy Bradley pinaagi sa unanimous decision kagahapon didto sa MGM Grand sa Las Vegas, Nevada.

Segurado ako nga dili lang kitang mga Pinoy ang nalipay apan hasta sab ang mga taga laing nasud nga dumadapig ni Pacquiao ug segurado sab ako nga usa sa nalipay karon mao si Bureau of Internal Revenue (BIR) commissioner Kim Henares kay wala pa gani ang sangka nilang Pacquiao ug Bradley, daan nang nag-atang ang BIR sa buhisan ni Manny.

Wala pa kita masayod sa kwentada sa BIR kung pilay bayranan sa buhis ni Pacquiao sa iyang pagbalik sa Pilipinas apan medyo dako-dako gyud tingali kini. 

Usa si Henares sa nangandoy nga modaug si Pacquiao ug dili maghuna-huna kaniya. Matod pa ni Henares "good luck" sa iyang away.

Sa usa ka televised press conference sa miaging semana, nanghinaut si Henares nga unta molampos si Pacquiao sa iyang sangka batok kang WBO welterweight champion Timothy Bradley.

Duha'y gidala sa maong mensahe, ang kadaugan ug ang bayranan sa buhis. Tataw nga wala'y lusot si Pacquiao---pilde o daug, buhisan gyud siya sa BIR.

Matod pa ni Henares, “He should concentrate on his fight with Bradley. I hope he wins.”  Ang maong mensahe gipatabanan sab og mga pulong “Don’t think of me.”

Matod pa ni Henares,  she hopes Pacquiao has already learned his lesson from the past incident and would immediately declare and pay his taxes.

Sa maiging tuig, ang Court of Tax Appeals (CTA) didto sa Estados Unidos mimando sa bangko sa pag-frozen sa bank account ni Pacquiao kalabot sa iyang bayranan sa buhis nga gipasaka sa BIR nga nagkantidad og P2.2-bilyones.  Nag-awhag sab kini kang Pacquiao sa pagpakita'g pruyba nga nakabayad na siya sa iyang buhis didto U.S.

Gani, may mitumaw dayon nga pagsinukliay og hait nga pulong silang Henares ug Pacquiao ug mao kadtoy hinungdan nga gipahilum silang duha sa CTA aron dili na magtinubagay sa publiko kalabot sa maong kaso.

Kanimo Manny, congrats.

MISCELLANEOUS. Belated birthday greetings to my younger sister Pinky Malagar Jadraque who turned a year older last Saturday, April 12.  Tomorrow, April 15, the daughter of my niece Lei Sofia Malagar Decierdo will graduate from the Talisay City kindergarten school. Happy birthday to CESAFI referee Edwin Dejacto today, April 14. Just recently, I received an email from my friend Graham C. Lim, the secretary-general of the oldest basketball NSA in the country, the Basketball Association of the Philippines  or BAP whose daughter, Fides Marie Lim graduated from high school last   March 28, 2014. Graham could only feel the beads of tears slowly dropping from his cheeks as he could only  watched through his imagination the high school graduation rites of his daughter. Congrats and good luck to all of you.

For him, good thing that through Skype, he managed to witness the event on a wide-screen tablet his wife and son brought along to the school. (BANAT NEWS)