Seblos 10 Ball Challenge sugdan na

CEBU, Philippines -  Mokabat sa dul-an  P200,000 nga ganting salapi ang giandam alang sa mga   mananaog sa Brgy. Captain Clyde Seblos 10 Ball Challenge sugod karong adlawa didto sa Kiosk Billiard Hall sa Jones Avenue, ning siyudad.

 Ang elimination round molungtad sa Abril 14. Ang mga pool players magkumbati  karon ug ugma diha sa Kiosk, samtang laing grupo sa mga players ang mopahigayon og elimination sa Abril 13 ug 14 didto sa Baloy's Billiard sa Buanoy, Balamban.

 Ang Championship gitakda sa Abril 15 didto sa Buanoy Sports Complex.

 Ang kampiyon sa maong torneyo nga tambungan ni Pinoy pool legend Ronnie Alcano, makadawat og P100,000, samtang ang first ug second placers mobulsa'g P40,000 ug P20,000 matag usa. (BANAT PALARO)