San Vicente Inter-School caging plansado na

CEBU, Philippines -   Andam na ang tanan alang sa pagpahigayon sa San Vicente Inter-School Basketball League nga gikatakda sa Abril 12-15 diha sa San Vicente gym sa lungsod sa Liloan, Cebu.

 Upat ka teams ang magkumbati ning upat ka adlaw nga torneyo nga gipaluyohan sa mga opisyales sa barangay San Vicente,

Yord Tariman, Chona Gabijan ug Paul Mantuhac.

 Kini naglakip sa Sacred Heart  School-Ateneo de Cebu (SHS-AdC) ni athletic director Rico Navarro, University of the Visayas

(UV) Passerelle ni team manager Samsam Gullas, Cebu Eastern College (CEC) ni sports coordinator John Maraat ug University of San

Carlos (USC) -BED ni athletic director Saturnino Mayormita.

 Ang upat ka teams mosubay og double round robin elimination format.

 Ganting salapi ang maangkon sa top two performers diin ang kampiyon mobulsa og P5,000, samtang ang runner-up makadawat

og P3,000.

 Ang torneyo usa sa mga  kalihukan sa kasaulogan sa tinuig nga kapistahan sa ilang mahal nga patron San Vicente Ferrer sa

Abril 15-24. (BANAT NEWS)