Naichecedad, Lantay Boyz daog

 CEBU, Philippines -  Midaog ang Naichecedad ug ang Lantay Boyz sa managlahing paagi batok sa tagsa-tagsa nila nga kaatbang sa Poblacion  Summer Basketball  niadtong Domingo  didto sa Cordova gym, Cebu.

 Yano kaayong mikutlo og daog ang Naichecedad pinaagi sa paglubong sa USC Baby Warriors, 80-65, sa Seniors A division.

 Ang UV Baby Lancers cager nga si Nelson Peralta maoy nangu sa open sa Naichecedad nga mikadlit og 21 puntos, samtang

laing upat niya ka teammates ang miiskor sab og double figures.

 Biya og siyete puntos sa first period, 15-22, apan ang Naichecedad hinay-hinay nga mikitkit sa labaw hangtod nga nailog kini

nila dayon na ngadto paglansang og daog.

 Sa laing bahin, ang Lantay Boyz miagi pa og kalisud una nila maangkon ang  67-64 nga kadaugan batok sa Villa Asela sa Seniors

B category.

 Ang managsuong Suan nga silang Levan Sugar ug Lucky maoy nangu sa kadaugan nga mirehistro'g 16 ug 14 puntos matag

usa.

 Si Charbs Cartalaba maoy topscorer sa Villa Asela pinaagi sa iyang 16 puntos, gisundan ni A. Menguito sa iyang 13 puntos.

 Kanunay naggukod ang  Villa Asela sa unang tulo ka kuwarter ug sa tunga-tungang bahin sa final period mi-rally kini, apan

atraso kaayo ang ilang mga paninguha kay nahutdan sila sa oras.

 Si Landelino Casquejo mitimbre'g 11 puntos ug si Jovane Menguito mitikdol og 10 puntos alang sa napildeng Villa Asela.

 Ang liga nga gipasiugdahan sa  Barangay Council sa Poblacion, Cordova, Cebu ubos sa liderato ni Brgy. Capt.  Teodorico

Casquejo, gipaluyohan ni Hon. Reamar Baguio ug Board Member Arleigh Jay Sitoy.

PUNTOS MATAG USA

Unang duwa:

 LANTAY BOYZ (67) – L.S. Suan 16,  L. Suan 14, J. Degamo 9, D.J. Degamo 8, Bersalote 7, Tagsip 4, Tajanlangit 2, Sitoy 2, Ycong

2.

 VILLA ASELA (64) – Cartalaba 16, A. Menguito 13,  Casquejo 11, J. Menguito 10, Inoc 4, Torregosa 4, Gomez 2, R. Menguito 2.

Ikaduhang duwa:

 NAICHECEDAD (80) – Peralta 21, Dacalos 12 Alerta 10,  Garcia 10, Codilla 10, Ian 6, Dela Cerna 6, Dinolan 3, Flores 2.

 USC (65) – Villagracia 14, Sayson 6, Suelto 6, Gato 6, Galinato 5, Dela Cruz 5, Aying 5, Ortega 4, J. Antigua 4, F. Antigua 3,

Malazarte 3, Ramos 2, Galado 2, Ting 1. (BANAT NEWS)