MJDL Brokers miilog liderato sa 2nd BOC-CIPU Cup

CEBU, Philippines -  Gigamitan sa MJDL Brokers og pwersa sa ilawom pinangulohan ni Jonas Cayanong aron molampos sa ilang game plan paglubong sa Alin Brokers, 116-89 sa 2nd BOC-CIPU Cup basketball tournament  niadtong Martes didto sa Brgy. Tinago gym, ning dakbayan.

 Si Cayanong maoy nangu sa MJDL sa iyang 22 puntos, gisundan ni  Nico Laborte  nga adunay 18 puntos aron masakmit ang solong liderato sa 3-0 nga baraha. Silang Bikeng Rollon ug   Noel Medalle   parehong miamot og 15 puntos, samtang silang Dandan Enriquez ug Baeng Medalle nagkumboya'g 22 puntos.

 Ang Alin nga wala pay daog sulod sa tulo ka duwa, gipangulohan ni Erwin Estorgio kinsa miposa sab og 22 puntos samtang silang Ryan Barral ug Ryan Villomo parehong miabuno og 14 puntos.

 Sa sayo pa, ang  Avenido Brokers midaog sab pinaagi sa overtime batok sa Ynah Brokers, 93-91.

 Gipangulohan ni Mark Dungog ang Avenido pinaagi sa iyang 24 puntos. Si Yulo Arevalo  mitampo'g 17 puntos lakip na ang duha ka sunod-sunod nga triples nga naghatod sa duwa ngadto sa overtime. Si Glenn Allerite miiskor og game-high 25 puntos, samtang silang Perry Niones ug Prime Oporto miamot og 13 ug 11 puntos matag usa.

  .

 PUNTOS MATAG USA

Unang duwa:

 Avenido (93) – Dungog 24, Arevalo 17, Pangan 12, Tan 10, Quilantang 9, Mompar 9, Laraga 7, Sumabong 2, E. Avenido 1.

 Ynah Brokers (91) – Allerite 25, Niones 13, Oporto 11, Garcia 8, Purcia 8, Peras 8, Lobitana 6, Laurel 5, Villarin 4, Niones 2, Guirit 1.

Ikaduhang duwa:

 MJDL (116) – Cayanong 22, Laborte 18, Rollon 15. N. Medalle 15, Enriquez 12, B. Medalle 10, Largosa 8, Amistoso 7, Elloren 5, Gambe 4, Villacastin 2.

 Alin Brokers (89) – Estorgio 22, Barral 14, Villomo 14, Lleve 11, Gresos 6, Javellana 6, I. Alin 4, Quiros 4, Alimoren 3, Tradio 2. (BANAT PALARO)