SWU batok Raphael's Cafe

CEBU, Philippines -  Sugdan na ang Mandaue City Mayor's Cup basketball tournament karong adlawa didto sa Mandaue City Cultural and Sports Complex.

 Sa opening game, magtakus ang Southwestern University (SWU) Cobras ug Raphael's Cafe ni team owner-manager Christian Senining sa alas-7 sa gabii.

 Dayon mosunod ang sangka tali sa 2013 CESAFI champion University of the  Visayas (UV) Green Lancers ug University of Cebu (UC) Webmasters.

 Unom ka teams ang mosalmot ning lima ka adlaw nga torneyo, lima gikan sa Sugbu ug usa mao ang National University (NU) Bulldogs sa UAAP.

 Ang teams gibahin ngadto sa duha diin nag-abot sa Group A mao ang UV, UC ug University of San Jose-Recoletos (USJ-R) Jaguars, samtang ang SWU, Raphael's Cafe ug NU Bulldogs sa Group B. (BANAT PALARO)