Lahat ng teams balanse - Martelino
MANILA, Philippines - Walang koponan ang maaaring magdomina sa daraÂting na First Conference ng Seson 11 ng Shakey’s V-League.
Kasama na rito ang Ateneo Lady Eagles na nagÂreyÂna sa katatapos lang na season ng UAAP women’s volÂleyball tournament.
Ito ang inihayag kahapon ng mga opisyal ng commercial volleyball league sa lingguhang PSA sports forum sa Shakey’s Malate.
“It’s anybody’s game. Actually hindi masasabing may favorite ngayon,†wika ni Moying Martelino, ang chairman ng nag-oorganisang Sports Vision, kasama si Shakey’s EVP at COO Vic Gregorio.
Sa format, ang bawat koponan ay maaaring kumuha ng dalawang guest players, kasama na rito ang isang foreign participant, para mabalanse ang kompetisyon sa torneong pinag-reynahan ng National University Lady Bulldogs.
Ang Adamson ang koponang magpaparada ng isang foreign guest player sa katauhan ni Pacharee Sangmuang ng Thailand.
Kabilang ang Adamson sa Group A kasama ang Arellano, College of St. Benilde, Southwestern University, St. Louis University at Ateneo, habang nasa Group B ang many-time champion University of Santo Tomas, San Sebastian, Davao Lady Agilas, Far Eastern University, National University, at University of Perpetual Help.
Kaagad na makakatagpo ng Lady Eagles ni Thai coach Tai Bundit ang Lady Falcons sa alas-2 ng hapon sa pagbubukas ng torneo sa Linggo sa The Arena sa San Juan. Lalabanan naman ng Lady Bulldogs ang nagdedepensang NCAA champion University of Perpetual Help sa alas-4.
- Latest
- Trending
